Bibiriya irasubiza - Recent questions and answers in Ibibazo byerekeye ku muntu

Answered: Bibiriya iba ishaka kuvuga iki iyo ivuga ko abagore ari "inzabya zoroshye?"

Fri, 29 Sep 2023 14:43:31 +0000

Iki cyanditswe kigaragara muri 1 Petero 3:7 kigira kiti: "Namwe bagabo ni uko; mubane n’abagore banyu, mwerekane ubwenge mu byo mubagirira kuko bameze nk’inzabya zidahwanije namwe gukomera, kandi mubūbahe nk’abaraganwa namwe ubuntu bw’ubugingo, kugira ngo amasengesho yanyu ye kugira inkomyi."

Bibiriya tabwo ivuga ko abagore ari inzabya zoroshye, ahubwo ivuga ko ari "inzabya zidahwanije n'abagabo gukomera". Bijya biba byiza kenshi kwifashiza n'izindi versions n'izindi ndimi kugirango turusheho gusobanukirwa icyanditswe. Version zitandukanye zikoresha imvugo "weaker vessel", "un vaisseau plus fragile"; Dushobora gukoresha izi ndimi z'amahanga kugirango dutangire kugira icyo dusobanukirwa: Mu cyongereza baravuga bati "They are weaker vessels", bisobanuye ko hari "weak vessels" na "weaker vessels". Ntabwo iki cyanditswe kigomba gufatwa nk'aho kerekana ko abagabo ubwabo ari ibitangaza, na bo ubwabo ni inzabya zoroshye, gusa hakaba izindi nzabya zidahwanije na bo gukomera.

Muri iki gice cya gatatu, Petero agaragaza uko abagabo n'abagore bakwiye kubana no kugenzerezanya, agatangirira ku bagore, hanyuma abagabo. Petero atangira asaba abagore "Kugandukira abagabo babo". Kuba abagore basabwa kugandukira abagabo babo ntibyapfuye kuza gusa, byatangiriye mu Itangiriro muri Eden. 1 Timoteyo 2:14 Bibiriya igira iti: "Kandi Adamu si we wayobejwe, ahubwo umugore ni we wayobejwe rwose, ahinduka umunyabicumuro." Eva akimara gushukwa, byamukururiye gutwarwa n'umugabo (Itangiriro 3:16). Ntibijijinganywaho ko mu buryo bw'umubiri abagore badahwanije imbaraga n'abagabo, ariko ingaruka zo gushukwa ntizarangiriye mu by'umubiri gusa, zageze no mu bindi bigize umuntu nk'amarangamutima (emotions) n'ibyiyumviro. Gusa ibyo ntibisobanuye ko umugore adafite kwigerera ku buntu bubonerwa muri Kristo mu buryo bungana n'ubw'umugabo.

Uretse na Petero, Pawulo na we hari icyo yabivuzeho: Abefeso 5:23 "Kuko umugabo ari we mutwe w’umugore we, nk’uko Kristo ari umutwe w’Itorero ari ryo mubiri we, ni na we Mukiza waryo." Kuba umutwe bisobanuye inshingano zisumbuye mu rugo, kurenza iz'umugore. Gusa kuba umutwe ntibigomba kurangirira mu nshingano, bikomereza no mu rukondo umugabo agomba gukunda umugore we. Abefeso 5:25 "Bagabo, mukunde abagore banyu nk’uko Kristo yakunze Itorero akaryitangira" ;

Inshingano + urukundo: Ibyo ni byo bigomba kuranga umugabo imbere y'umugore, bigatuma Petero yabwiye abagabo ati "mwerekane ubwenge mu byo mubagirira"

Murakoze, Uwiteka abagirire neza.

Answered: Iyo Bibiriya ivuga "Umuntu wa kamere" iba ishaka kuvuga iki?

Tue, 26 Sep 2023 18:11:45 +0000

[NDLR] NOTE: Iki kibazo cyasubijwe na Apotre Masasu Joshua, mu gitabo "Inyigisho zo gukomeza abigishwa", Ishuri rya mbere, igitabo cy'umwigishwa, page 41

1 Abakorinto 2:14-15 "Ariko umuntu wa kamere ntiyemera iby’Umwuka w’Imana kuko ari ubupfu kuri we, akaba atabasha kubimenya kuko bisobanurwa mu buryo bw’Umwuka. [15]Ariko umuntu w’Umwuka arondora byose, nyamara ubwe nta wumurondora."

Uwo Bibiriya ivuga nk'umuntu wa kamere, mu ndimi z'amahanga ni we witwa "carnal christian; un chretien charnel", akaba ari kimwe n'uwo dukunze kwita "umukristo w'umunyamubiri"

HARI UBWOKO BUTATU BW'ABANTU. TUREBE IBIRANGA ABA BANTU BATATU

Ibiranga umuntu usanzwe	Ibiranga umuntu w'Umwuka	Ibiranga umuntu wa kamere
1. Yesu Kristo ntabwo ari mu bugingo bwe	Yesu Kristo yinjiye mu bugingo bwe	Yesu Kristo yinjiye mu bugingo bwe
2. Ariyobora we ubwe mu buzima bwe bwose	Yesu kristo ayobora ubuzima bwe bwose	Ariyobora we ubwe mu buzima bwe bwose
3. Ntiyita ku bintu by'Imana	Akunda Imana no kuyikorera	Akora ugushaka kwe akareka ukw'Imana
4. Akunda isi ndetse n'irari ry'isi	Akunda ibintu biri mu ijuru	Akunda ibintu byo mu isi
5. Yita kuri magie, kuraguza, ku bumenyi bw'ubuyobe, ku materaniro y'ubuyobe, ku migenzo n'imiziririzo, etc...	akunda gusenga (Akunda kubwira no kumva Imana)	Gusenga biramurambira
6. Umujinya w'Imana umuriho (Yohana 3:36)	Afite ubugingo buhoraho (Yohana 3:36; Yohana 11:25)	Mu buzima bwe bwa Gikristo akoresha imbaraga ze.
7. Iyo apfuye ajya mu muriro	Imbuto y'Umwuka Wera igaragara mu buzima bwe. (Gal. 5:22-23) [ndlr]Iyo apfuye ajya mu Ijuru [Fin ndlr]	Ntiyiringira Imana muri byose
	8. ntiyita ku irari n'ibishimisha byo mu isi	Imirimo ya kamere igaragara mu buzima bwe (Gal. 5:19-21)
	9. Akunda kuzana abantu kuri Yesu	Ntiyita ku bantu bari kurimbuka
		10. Nta mahoro y\'ukuri afite
		11. Atekreza ibyaha
		12. Ntiyita ku materaniro ya Gikristo
		13. Ntiyita ku Ijambo ry'Imana

		14. Akunda impaka no kuvuga ati ni ugukabya.

IBISOBANURO KU MUKRISTO WA KAMERE. Umukristo ntashobora gukora icyiza ku mbaraga ze adafashijwe na Yesu kristo n'Umwuka Wera. Kugirango abigereho, agomba guhora yuzuye Umwuka kugirango adakora imirimo ya kamere.

___End____

Dushimiye intumwa Masasu Ndagijimana Joshua. Ubu twandika iki gisubizo kuri uru rubuga hari ibibazo 531, ibimaze gusubizwa ni 84 gusa. Namwe abiyumvamo ubushobozi bwo kudufasha gusubiza ibi bibazo, nimudufashe.

Uwiteka abagirire neza

Ese Kayini yica Abel hari abandi bantu ku isi ?

Fri, 15 Sep 2023 12:04:23 +0000

Answered: Ese gukuramo inda ni kimwe no kwica umuntu?

Mon, 26 Jun 2017 19:48:51 +0000

Ikibazo cyo gukuramo inda ni kimwe mu bivugwaho cyane muri iyi minsi isi igendana n'iterambere ryihuta. Kubonera igisubizo umuntu wigeze gukuramo inda, cyangwa uwafashije mugenzi we kuyikuramo, bisaba imbaraga mu buryo bw'umwuka n'ubw'umubiri. Uko byagenda kose, Bibiriya ibivugaho mu buryo butomoye.

Kwica umuntu, ni ukumwambura ubuzima yiherewe n'Imana. Mu mategeko 10 Imana yahaye Mose, Kuva 20:13, Bibiriya igira iti "Ntuzice". Inyamaswa ziribwa, Imana yazihaye umuntu nk'ibyokurya, kimwe n'ibimera. (Kuva 9:3-4) kubera iyo mpamvu, kwica inyamaswa si icyaha, iri tegeko ryo kutica rireba gusa kwica umuntu mugenzi wawe.

Kumenya niba gukuramo inda ari kimwe no kwica umuntu bisaba kubanza gusobanukirwa ibintu bibiri:

1. Ubuzima bw'umuntu butangira ryari?

2. Ese niba amategeko y'igihugu runaka yemerera utwite gukuramo inda, ubwo igihe abikozee aba akoze icyaha cyo kwica?

Igihe cyose Imana yagiye igaragaza ko umuntu atemerewe gufata umwanzuro wo gushyira iherezo ku buzima bw'undi muntu. Mu isezerano rya kera, tubona ahantu henshi muri Bibiriya aho Imana yagiye itanga itegeko ryo kurimbura abantu runaka kubera impamvu zitandukanye. Imana yo ibifitiye uburenganzira. Reka dusubize ibi bibazo 2 byo hejuru:

1. UBUZIMA BW'UMUNTU BUTANGIRA RYARI? Mu buryo budasubirwaho kandi budakwiye kugibwaho impaka, Bibiriya igaragaza ko ubuzima bw'umuntu butangira igihe intanga-gabo ihuye n'igi ry'umugore. Guhera kuri aka kanya, uguhura kw'izi ngingo 2 guhita gukora ikintu kimwe kigizwe na ADN yihariye kimwe nuko buri muntu wese afite ADN yihariye utitaye ku myaka afite. Ako kanya umugore akimara gusama, iri gi riri mu nda ye riba ari umuntu kimwe na nyina uritwite. Itandukaniro hagati y'iri gi nanjye urimo kwandika iyi nkuru, ni imyaka tumaze gusa. Igihe cyose uyu mugore, cyangwa umukobwa, yafata umwanzuro wo guhagarika ubuzima buri munda ye, aba akoze icyaha cyo kwica kimwe n'uwishe umusaza w'imyaka 90.

Zaburi 139:16 , Bibiriya igiri iti: "Nkiri urusoro, amaso yawe yarandebaga, mu gitabo cyawe handitswemo iminsi yanjye yose, yategetswe itarabaho numwe". Birasobanutse. Nkiri urusoro, n'umunsi wanjye wambere utaruzura, Imana yambonaga nk'uriho. Imana yabwiye Yeremiya iti "Nakweje utaravuka ..." (Yeremiya 1:5).

2. Ese niba amategeko y'igihugu runaka yemerera utwite gukuramo inda, ubwo igihe abikoze aba akoze icyaha cyo kwica?

Niba tumaze kwemeranywa ko ubuzima bw'umuntu butangira ku isamwa, ntidukwiriya kwibaza no kureba icyo amategeko y'igihugu runaka avuga. Igihe cyose amategeko y'Imana atambuka mbere. Mu gihugu runaka baramutse bafashe umwanzuro, bakawandika, bakavuga ngo uhereye none gusambana biremewe, ibyo ntibikuraho na gato kuba gusambana ari icyaha.

Muri make, umuntu wese ufata umwanzuro wo gukuramo inda, utitaye ku gihe iyo nda imaze, aba afashe umwanzuro wo gushyira iherezo ku buzima bw'umuntu, icyo kandi ni icyaha cyo kwica umuntu.

Imana ibahe umugisha.

Umuntu w'imbere ni iki?

Mon, 07 Nov 2016 00:05:10 +0000

Ko Imana yari izi ko Adamu na Eva bazacumura, kuki yabaremye?

Mon, 07 Nov 2016 00:03:57 +0000

Kuki dupfa?

Mon, 07 Nov 2016 00:02:48 +0000

Ese Imana iradukeneye?

Mon, 07 Nov 2016 00:02:03 +0000

Umwuka ni iki? (Spirit)

Mon, 07 Nov 2016 00:00:17 +0000

Ubugingo ni iki? (Soul)

Sun, 06 Nov 2016 23:59:44 +0000

Bivuze iki gupfa mu mwuka?

Sun, 06 Nov 2016 23:58:45 +0000

Umutima-nama ni iki? (Conscience)

Sun, 06 Nov 2016 23:57:57 +0000

Umwuka w'ubugingo ni iki?

Sun, 06 Nov 2016 23:57:21 +0000

Kamere-muntu ni iki?

Sun, 06 Nov 2016 23:56:16 +0000

Kuki Imana yaturemye? Kuki turi hano ku isi?

Sun, 06 Nov 2016 23:55:38 +0000

Bivuze iki kuvuga ngo "Umuntu yaremwe mu ishosho y'Imana"?

Sun, 06 Nov 2016 23:54:53 +0000

Ese twese turi abana b'Imana? Cyangwa abakristo ni bo bana b'Imana?

Sun, 06 Nov 2016 23:53:59 +0000

Ese mu by'ukuri umuntu afite ubushake yigengaho?

Sun, 06 Nov 2016 23:52:26 +0000

Do human beings truly have a free will?

Ni irihe tandukaniro hagati y'umwuka na Roho? (Spririt & Soul)

Sun, 06 Nov 2016 23:50:54 +0000

Ese umuntu agizwe n'Ibice 2 cyangwa 3? (Umubiri, umwuka na Roho?)

Sun, 06 Nov 2016 23:49:48 +0000

Abantu b'Imana bivuze iki?

Sun, 06 Nov 2016 23:48:31 +0000

Ko twese dukomoka ku muntu umwe, amoko atandukanye y'abantu yaje ate?

Sun, 06 Nov 2016 23:47:38 +0000

Ni ikihe kimenyetso Imana yashyize kuri Kayini?

Sun, 06 Nov 2016 23:46:36 +0000

Ese umuntu ashobora kubaho adafite Imana?

Sun, 06 Nov 2016 23:45:42 +0000

Ese hari imyaka ntarengwa umuntu ashobora kubaho?

Sun, 06 Nov 2016 23:45:00 +0000

Bivuze iki ngo "Twaremwe mu buryo butangaje?" (Zaburi 139:14)

Sun, 06 Nov 2016 23:44:07 +0000

Ese roho y'umuntu irapfa, cyangwa ntishobora gupfa?

Sun, 06 Nov 2016 23:33:13 +0000

Is the human soul mortal or immortal?